Размер шрифта: A A A
Цвет сайта: A A A A

Положения конкуров

01.06.2016

ТУЙМААДА ЫҺЫАҔЫН

ОҺУОКАЙ  КҮРЭҺИН БАЛАҺЫАННЬАТА

 

Бастакы сүүмэрдиир түһүмэх буолар күнэ дьыла: Бэс ыйын  18-19 күннэрэ

Ыытыллар сирэ: Дьокуускай куорат Паарката, Оһуокай Түһүлгэтэ

Саҕаланыыта: 11 ч.00  регистрация

                          12 ч.00 күрэх

Иккис түмүктүүр түһүмэх буолар күнэ-дьыла: Бэс ыйын 25 күнэ

Ыытыллар сирэ: Дьокуускай куорат Үс-Хатыҥ, Үһүс нүөмэрдээх түһүлгэ “Центр Кумысопития”

Саҕаланыыта: Ыһыах аһыллыытын сиэрин – туомун кэнниттэн – 13 ч.30 м.

Үһүс түһүмэх – Саха Республикатын «Дархан этээччилэрин» именной бириистэригэр эдэр этээччилэргэ Оһуокай күрэҕэ.

Буолар күнэ-дьыла: Бэс ыйын 26 күнэ

Ыытыллар сирэ: Дьокуускай куорат Үс-Хатыҥ, Төрдүс нүөмэрдээх түһүлгэ

Саҕаланыыта: 11 чаастан киэһээ 17 чааска дылы

Этээччилэр ирдэбиллэрэ 18 – 35 дылы.                     

       Ыһыах сай баран төрүт тыына саха омук хомуһуннаах хоҥкунас тыастаах, холобура суох хоһоонноох, оһуор-бичик тыллаах, оҥкуллаах-отуордаах Ытык Оһуокайыгар олохсуйар.

       Быйылгы күрэскэ, Саха сирин Дархан этээччилэрин сүбэлэрин  (бэрэссэдээтэль А.И.Кривошапкин) уурааҕынан,  оһуокайы икки түһүмэҕинэн ыытарга диэн сөбүлэһиигэ киирдилэр.

1)    Бастакы түһүмэх – Бэс ыйын 18,19 күннэригэр Ыһыах арыллыа биир нэдиэлэ иннинэ Дьокуускай куорат пааркатыгар, оһуокай түһүлгэтигэр отборочнай этаба саҕаланар.  Саҥа талааннары арыйарга анаммыт күрэс Дьокуускай куорат пааркатыгар буолар , ким баҕалаах кыттыыны ылар – (4 сааһынан, 4 бөлөххө араарыллар, бөлөх аайыттан 3 бастакы быһаарыллар, уопсайа 12 этээччи) бу 12 этээччилэртэн саамай бастыҥнара Саха сирин «Дархан этээччитин» аатын ыларга бырааптанар. Этэр бириэмэлэрэ 10 – 20 мөнүүтэ.

2)    Иккис түһүмэх – Бэс ыйын 25 күнүгэр Дьокуускай куорат, Үс Хатыҥ 3 –с нүөмэрдээх түһүлгэтигэр күнүс 1 чаастан – Күн көрсүүтүгэр дылы   ыытыллар. Үс хатыҥҥа, бэс ыйын 25 күнүгэр буолар  Оһуокайга,  пааркаҕа кыттан миэстэлэспит (12 этээччилэр) уонна Саха сирин “Дархан этээччилэрэ” Дьокуускай куорат баһылыгын аатыттан туттарыллар массыына бириискэ киирсиэхтэрэ, этэр бириэмэлэрэ 10 – 20 мөнүүтэ.

3)    Үһүс түһүмэх – Бэс ыйын 26 күнүгэр, Үс Хатыҥҥа, 4-с нүөмэрдээх түһүлгэҕэ сарсыарда 11 – тэн киэһээ 17 чааска дылы Саха Республикатын «Дархан этээччилэрэ» туруорбут бириистэригэр Оһуокай күрэҕэ эдэр ыччакка тэриллиэ. Этээччилэр ирдэбиллэрэ 18 – 35 дылы.  Этээччилэр туох баар талааннарын, айар дьоҕурдарын, уус-уран тылларын СР «Дархан этээччилэрэ» бэйэлэрэ көрөн сыаналыахтара, бириистэрин туттарыахтара.

 Оһуокай этээччилэр, куорат тэрилтэлэрин түһүлгэтин тэрийээччилэрин ыҥырыыларынан  кэлэн, Оһуокай этиэхтэрин сөп. Ону түһүлгэ тэрийээччилэрэ эрдэттэн Оһуокай Түмсүүгэ (89142385487, 421155 төл.)  сайаапка түһэриэххитин наада.

 Күрэс сыала-соруга:

 - Ытык Оһуокайы Саха Сиригэр, саха омук олохсуйбут сирдэригэр тарҕатыы-тэнитии, Аан Дойдуга олохтоох атын омуктарга киэҥник билиһиннэрии;

- Оһуокайы уус-уран айымньыы быһыытынан бөҕөргөтүү;

- Эдэр дьону уһуйуу, саха тылын сүмэһинин эдэр этээччилэргэ үөрэтии;

- Төрүт үгэстэри дьоҥҥо, ыччакка тарҕатыы, куһаҕан тыыннаах сабыдыалтан тэйитии;

- Былыргы Ытык Оһуокай алгыс тылларын сөргүтэн, умнуллан эрэр духуобунай күүһүн бөҕөргөтүү.

Кыайыыны быһаарар ирдэбиллэр

- Этээччи хоһуйуутун ис хоһооно, уус-уран тыла, амарах алгыс тыла, үтүө дьайыылаах хоһооно.

- Этээччи куолаһа чуора-кэрэтэ, түһүлгэни тутара, сахалыы таҥаһа-саба, сиэри-туому тутуһуута, хамсаныыта.

- Оһуокай түһүмэхтэрин тутуһуу (туойан саҕалааһына, хаамтарыыта, көтүтүүтэ, налытыыта)

- Саха Түөлбэ оһуокайдарын билсии, үөрэтии, көҕүлээһин.

Кыттааччыларга ирдэбил

Бастакы түһүмэххэ күрэс аһаҕас (Дьокуускай куорат пааркатыгар буолар оһуокайга), ким баҕалаах кыттар.

Сайаапка  биэрэргэ анкета толоруллар, паспорт ирдэнэр.

Кыттааччылар бөлөхтөрө

Бастакы түһүмэххэ:

17 – 35 сааһыгар дылы

35 – 55 сааһыгар дылы

55 – 70 сааһыгар дылы

70 – тан үөһээ

Кыайыылаахтары наҕарадалааһын.

Күрэс түмүгэ бэс ыйын 26 күнүгэр Оһуокай түһүлгэтигэр күнүс 14ч.00 м. биллэриллэр, бөлөҕүнэн кыайыылаахтарга,бириистэр туттарыллаллар.

Гран-при туттарыыта Ыһыах иккис күнүгэр Киин түһүлгэҕэ  буолар. Кыайыылаах Дьокуускай куорат баһылыгыттан массыына күлүүһүн тутар.

Номинациялар:

Туймаада Ыһыаҕын 2016 Бастыҥ этээччитэ (Гран-При)

4 бөлөҕүнэн бастыҥнар быһаарыллаллар олортон кыайбыттара Саха Өрөспүүбүлүкэтин Дархан этээччитэ ааты ылар

Түмсүү үгэһинэн оһуокайы өйөөччүлэргэ, уһуйааччыларга туспа бириистэр туттарыллыахтара.

Быһаарыылар:

-Сэрэбиэй күрэхтэхтэһии саҕаланыан иннинэ эрэ ыытыллар. Ол кэннэ, сэрэбиэйи тардыбатах этээччи кыттыбат.

-Этээччи кынат дьонун бэйэтэ булан, түһүлгэ саҕаланар бириэмэтигэр бэлэм буолуохтаах. Ыҥырыллыбыт кэмигэр кэлбэтэҕинэ күрэхтэһииттэн уһуллар.

-Этээччи этэр бириэмэтэ 10 – 20 мөнүүтэ буолар.

- Этээччилэр бириэмэлэригэр эттилэр даҕаны баран хаалбакка, атын этээччини өйөөннөр кынат буолан кытталлара учуоттанар.

-Уус-уран тыла – өһө, ис хоһооно, түһүлгэни тутуу, куолас, таҥас, хамсаныы  сыаналааһына Дьүүллүүр Сүбэ балаһыанньатынан барар.

 

Билсэр телефоҥҥут: 89142385487 – Тарский Александр Лаврентьевич 



Дата создания: 01.06.2016 07:53:35
Дата изменения: 07.06.2016 11:39:16

Возврат к списку